Рубрики
Без рубрики

Туннэ Пичи Пурга ёросысь удмурт кылъя но литературая дышетӥсьёсын но визьнодасьёсын пумиськон ортчиз. Ужрадэ озьы ик пыриськизы ёросысь Депутатъёслэн кенешсылэн тӧроез В.Е. Москвин но Лулчеберетъя но туризмъя управленилэн кивалтӥсез Н.А. Степанова. Пумиськонлэн мугез – Пичи Пурга ёросысь йӧскалык дышетонлы сӥзем номер дасян. Кенешимы номерлэн пуштросэз но дасян радлыкез сярысь.
Пичи Пурга ёрослы сӥзем номер вуоно арын тулыспал толэзе потоз.
#вордскемкыл #ПичиПургаёрос

Рубрики
Без рубрики

Вожвылъяськонлы йылпумъянъёс

«Быдӟым Вормонлы сӥзем уроклы удмурт кылын устоез уж» вожвылъяськонлы йылпумъянъёс.
I инты:
Татьяна Александровна Николаева, Можга ёросысь Быдӟымсурд шор ёзо школаысь покчи классъёсын ужась дышетӥсь.
II инты:
– Валентина Владимировна Васильева, Глаз ёросысь Пусошур шор ёзо школаысь удмурт кылъя но литературая дышетӥсь;
– Елена Геннадьевна Колесникова, Алнаш черкогуртысь «Берёзка» нылпи садысь визьнодась.
III инты:
– Раиса Ивановна Резенова, Глаз ёросысь Дондыкар шор ёзо школаысь удмурт кылъя но литературая дышетӥсь;
– Наталья Николаевна Трухина, Алнаш ёросысь Удмурт-Тоймобаш шор ёзо школаысь покчи классъёсын ужась дышетӥсь.
Ӟечкыласьком!
#вордскемкыл

Рубрики
Без рубрики

Толон, 29-тӥ коньывуонэ, Россиын улӥсь калыкъёслэсь анай кылъёссэс дышетонын кутӥськись ресурсъёслы сӥзем улоскуспо фестиваль ортчиз. Ужрадэ «Вордскем кыл» журналлэн редакцияз ужасьёс но мыло-кыдо пыриськизы. 2019-тӥ арын потэм «Ресурсъёсын каталог: удмурт кыл но лулчеберет» пособиен тодматон сяна, редакторъёс фестивале пыриськисьёслэсь ужъёссэс (ресурсъёссэс) дунъязы, мылкыдъёссэс но дэмланъёссэс шараязы.#вордскемкыл #иро

Редакторъёс ужъёсты дунъяло
Рубрики
Без рубрики

Эссеосъя «Вордскем кыл журнал мынам улонам но ужудысам» вожвылъяськонлы йылпумъянъёс!

Вожвылъяськон «Вордскем кыл» журналлэн 30 ар тырмонэзлы сӥзьыса радъямын вал. Конкурсэ пыриськизы Удмурт Элькунысь Алнаш, Пичи Пурга, Шаркан, Эгра, Глаз, Ува, Якшур-Бодья ёросъёсысь но Ижкарысь, озьы ик Татарстанысь нылпи садъёсын тыршись визьнодасьёс, покчи классъёсын ужась дышетӥсьёс, удмурт кылъя но литературая дышетӥсьёс.

Дунъясьёс куать тужгес но ӟеч ужъёслэсь авторъёссэс висъязы.

1-тӥ инты:

Маргарита Николавевна Долганова, Пичи Пурга ёросысь Шор Кечол шор ёзо школаысь удмурт кылъя но литературая дышетӥсь

2-тӥ инты:

Надежда Владимировна Голубина, Шаркан ёросысь Быги шор ёзо школаысь удмурт кылъя но литературая дышетӥсь

Светлана Алексеевна Куликова, Алнаш черкогуртысь «Родничок» нылпи садысь возьнодась

3-тӥ инты:

Валентина Григорьевна Широбокова, Кузебай Герд нимо удмурт кун йӧскалык гимназиысь удмурт кылъя но литературая дышетӥсь

Валентина Викторовна Абросимова, Якшур-Бодья ёросысь Мукши шор ёзо школаысь покчи классъёсын ужась дышетӥсь

Ольга Анатольевна Бодалёва, Ува каргуртысь 3-тӥ номеро нылпи садысь визьнодась

Ӟечкыласьком!

Рубрики
Без рубрики

Малэсь кышкало нылпиос? Ма карыны уг яра анай-атайёслы нылпизы кышкан учыръёсы? Та юанъёслы пыр-поч валэктон сётэ педагогика тодосъёсъя кандидат Марина Викторовна Чикурова.
#вордскемкыл #5_тиномер

Рубрики
Без рубрики

Выль номер

Онлайн-ресурсъёс но соосты дышетонын быгатыса кутон сярысь пыр-поч вера Дышетонэз азинтонъя институтысь ӧнерлыко быгатонлыкъёсты вис карытэк азинтонъя центрлэн кивалтӥсез Анна Николаевна Самоделкина
#вордскемкыл #5_тиномер #ИРО

Рубрики
Без рубрики

Дистант амалэн дышетон, дышетонын кутӥськись онлайн-ресурсъёс, нылпи садын проект амалэз кутон, БУД-2020 но «Тодосэ нырысетӥ вамышъёсы» вожвылъяськонлы йылпумъянъёс — ваньмыз со журналмылэн 5-тӥ номераз.

Рубрики
Без рубрики

2020-тӥ арын 27-тӥ оштолэзьысен «Вордскем кыл» журналлэн редакциез» Удмурт Элькунысь аскивалтӥсь ужъюртлэн нимыз «Вордскем кыл» Удмурт Элькунысь аскивалтӥсь ужъюрт нимлы воштӥськиз. Кылдэм учреждение вуж учрежденилэн правопреемникез луэ.
Озьы ик ивортӥськом, редакциын ужасьёс «Йӧскалык прессалэн юртэз» Удмурт Элькунысь аскивалтӥсь ужъюртэ выжизы. Азьланяз «Йӧскалык прессалэн юртэз» «Вордскем кыл» журналлэн учредителез но издателез луоз. Таин валче ОГРН, ИНН, банк реквизитъёсмы воштӥськизы: АУ Удмуртской Республики «Издательский дом национальной прессы», ОГРН 1021801160270, ИНН 1834300211, КПП 183101001, р/с 40603810068004000027, открыт в Отделении №8618 ПАО Сбербанк г. Ижевск, БИК 049401601. Соин ик куриськом, учреждениен огкылъёс кутыку, вазиськонъёс лэсьтыку, коньдон келяку, выль реквизитъёсмес пусйыны.
Юанъёсты кылдӥзы ке, (3412) 73-33-42, (3412) 73-33-27 телефонъёсъя вазиське.

Рубрики
Без рубрики

Вордскем кыл — 30

#вордскемкыл30влицах

Илья Михайлович (Ильтимир Минтимирович) Байметов вордӥськиз 1952-тӥ арын Башкириысь Калтасы ёросысь Чиндэр (М. Качак) удмурт гуртын.

1991-тӥ арын «Вордскем кыл» амалтодослыко журналлэн валтӥсь редакторез луиз. Со дыр журналлэн кылдон вакытэз вал шуыны луоз. Илья Михайлович вакчи дыр куспын котыраз кужмо коллектив люканы быгатӥз. Удмурт кылъя но литературая дышетӥсьёслы, покчи классъёсын ужась дышетӥсьёслы но визьнодасьёслы методикая узыр пуштросъем материалъёс дасян, лыдӟисьёсын ӟеч кусыпъёс тупатон – таӵе валтӥсь ужпумъёс бордын тыршизы со вакытэ редакциысь ӧнерчиос. Аръёс ортчыса, журналлэн азьмугъёсыз но, лыдӟисьёслэн лыдзы но паськытазы. 2014-тӥ арозь, улонысь кошкытозяз, валтӥсь редактор Илья Михайлович ялан сюлмаськиз дышетӥсьёслэсь но визьнодасьёслэсь ӧнерлыко компетентностьсэс будэтонын «Вордскем кыл» журнал зэмос юрттӥсь мед луоз шуыса.

Рубрики
Без рубрики

Вордскем кыл — 30

Кылем даурысь 80-тӥ аръёслэн пумазы быӟдым кунамы ыраны кутскизы выльдӥськонлэн тӧлъёсыз. Палэнтӥ ӧз ортче соос Удмурт шаермес но. Шоркарысьтымыны но мукет каръёсысь школаосын усьтӥськыны ӧдъязы удмурт классъёс, нош нылпи садъёсын – удмурт группаос. Нылпиосмылэн анай кылзэс дышетыны мылкыдзы вань. Нош шуге-леке вуизы дышетӥсьёс но визьнодасьёс: удмурт кылэз тодӥсьтэм но ляб тодӥсь пиналъёсты дышетон амалъёсты уг тодо, со вакытэ нокыӵе методикая юрттэтъёс но ӧй вал ай. Малпаськонэ усизы Калыкез дышетонъя министерствоын: кызьы ӧнерчиосты дышетон-визьнодан амалъёсын чалякгес тодматоно?
«Кенеш» журналлэн бурд улаз приложение чотын бичетъёс поттыны малпазы. Озьы вордскиз «Вордскем кыл» журнал. 1990-тӥ арын школаосы, нылпи садъёсы сюрес шедьтӥз со. Нырысь араз кык номер потӥз, вуоно арын шугъяськонъёс кылдӥзы: нимысьтыз ужасьёстэк ужез уд радъя – редакция кылдытоно.
Озьы 1991-тӥ арын одӥг ӧре кыткиськизы И.М. Байметов (валтӥсь редактор), Р. О. Хайдаров (валтӥсь редакторлэн воштӥсез), В.В. Андреева (валтӥсь бухгалтер), Н.В. Хайдарова (машинкаен бичась но корректор). Со ик журналлэн кузь но узыр сюресэзлэн кутсконэз луиз.