Вормисьёс шараямын

Йылпумъяськиз «Удмурт кыллы но литературалы дышетонын устоез мультимеди шудон» улоскуспо вожвылъяськон. Конкурсэ 17 адями пыриськиӟ нылпи садысь визьнодасьёс, покчи классъёсын ужась но удмурт кылъя но литературая дышетӥсьёс. Ыстэм шудонъёс пуштроссыя пӧртэмесь, соос нылпиослэсь кылзэс волятыны, тодон-валанзэс юнматыны но эскерыны яке выль темаен тодматскыны юрттозы.
Вань ужъёсты эскерыса, жюри таӵе йылпумъянъёс лэсьтӥз:
1-тӥ инты – В.Г. Широбокова, Кузебай Герд нимо Удмурт кун йӧскалык гимназиысь удмурт кылъя дышетӥсь, но А.В. Широбоков, «ООО Компьютер Софт» огазеяськонысь ӧнерчи.
2-тӥ инты – Е.Р. Агафонова, Эгра ёросысь Зура шор ёзо школаысь удмурт кылъя но литературая дышетӥсь; Н.С. Романова, Дэри ёросысь Пальники инъет ёзо школаысь удмурт кылъя дышетӥсь.
3-тӥ инты – И.А. Наговицына, Балезино ёросысь Люк шор ёзо школаысь удмурт кылъя но литературая дышетӥсь.
Вормисьёсты ӟечкыласьком но выль азинсконъёс сӥзиськом!

Добавить комментарий

Ваш e-mail не будет опубликован. Обязательные поля помечены *