Выль номер

Онлайн-ресурсъёс но соосты дышетонын быгатыса кутон сярысь пыр-поч вера Дышетонэз азинтонъя институтысь ӧнерлыко быгатонлыкъёсты вис карытэк азинтонъя центрлэн кивалтӥсез Анна Николаевна Самоделкина
#вордскемкыл #5_тиномер #ИРО

Дистант амалэн дышетон, дышетонын кутӥськись онлайн-ресурсъёс, нылпи садын проект амалэз кутон, БУД-2020 но «Тодосэ нырысетӥ вамышъёсы» вожвылъяськонлы йылпумъянъёс — ваньмыз со журналмылэн 5-тӥ номераз.

2020-тӥ арын 27-тӥ оштолэзьысен «Вордскем кыл» журналлэн редакциез» Удмурт Элькунысь аскивалтӥсь ужъюртлэн нимыз «Вордскем кыл» Удмурт Элькунысь аскивалтӥсь ужъюрт нимлы воштӥськиз. Кылдэм учреждение вуж учрежденилэн правопреемникез луэ.
Озьы ик ивортӥськом, редакциын ужасьёс «Йӧскалык прессалэн юртэз» Удмурт Элькунысь аскивалтӥсь ужъюртэ выжизы. Азьланяз «Йӧскалык прессалэн юртэз» «Вордскем кыл» журналлэн учредителез но издателез луоз. Таин валче ОГРН, ИНН, банк реквизитъёсмы воштӥськизы: АУ Удмуртской Республики «Издательский дом национальной прессы», ОГРН 1021801160270, ИНН 1834300211, КПП 183101001, р/с 40603810068004000027, открыт в Отделении №8618 ПАО Сбербанк г. Ижевск, БИК 049401601. Соин ик куриськом, учреждениен огкылъёс кутыку, вазиськонъёс лэсьтыку, коньдон келяку, выль реквизитъёсмес пусйыны.
Юанъёсты кылдӥзы ке, (3412) 73-33-42, (3412) 73-33-27 телефонъёсъя вазиське.

Вордскем кыл — 30

#вордскемкыл30влицах

Илья Михайлович (Ильтимир Минтимирович) Байметов вордӥськиз 1952-тӥ арын Башкириысь Калтасы ёросысь Чиндэр (М. Качак) удмурт гуртын.

1991-тӥ арын «Вордскем кыл» амалтодослыко журналлэн валтӥсь редакторез луиз. Со дыр журналлэн кылдон вакытэз вал шуыны луоз. Илья Михайлович вакчи дыр куспын котыраз кужмо коллектив люканы быгатӥз. Удмурт кылъя но литературая дышетӥсьёслы, покчи классъёсын ужась дышетӥсьёслы но визьнодасьёслы методикая узыр пуштросъем материалъёс дасян, лыдӟисьёсын ӟеч кусыпъёс тупатон – таӵе валтӥсь ужпумъёс бордын тыршизы со вакытэ редакциысь ӧнерчиос. Аръёс ортчыса, журналлэн азьмугъёсыз но, лыдӟисьёслэн лыдзы но паськытазы. 2014-тӥ арозь, улонысь кошкытозяз, валтӥсь редактор Илья Михайлович ялан сюлмаськиз дышетӥсьёслэсь но визьнодасьёслэсь ӧнерлыко компетентностьсэс будэтонын «Вордскем кыл» журнал зэмос юрттӥсь мед луоз шуыса.

Вордскем кыл — 30

Кылем даурысь 80-тӥ аръёслэн пумазы быӟдым кунамы ыраны кутскизы выльдӥськонлэн тӧлъёсыз. Палэнтӥ ӧз ортче соос Удмурт шаермес но. Шоркарысьтымыны но мукет каръёсысь школаосын усьтӥськыны ӧдъязы удмурт классъёс, нош нылпи садъёсын – удмурт группаос. Нылпиосмылэн анай кылзэс дышетыны мылкыдзы вань. Нош шуге-леке вуизы дышетӥсьёс но визьнодасьёс: удмурт кылэз тодӥсьтэм но ляб тодӥсь пиналъёсты дышетон амалъёсты уг тодо, со вакытэ нокыӵе методикая юрттэтъёс но ӧй вал ай. Малпаськонэ усизы Калыкез дышетонъя министерствоын: кызьы ӧнерчиосты дышетон-визьнодан амалъёсын чалякгес тодматоно?
«Кенеш» журналлэн бурд улаз приложение чотын бичетъёс поттыны малпазы. Озьы вордскиз «Вордскем кыл» журнал. 1990-тӥ арын школаосы, нылпи садъёсы сюрес шедьтӥз со. Нырысь араз кык номер потӥз, вуоно арын шугъяськонъёс кылдӥзы: нимысьтыз ужасьёстэк ужез уд радъя – редакция кылдытоно.
Озьы 1991-тӥ арын одӥг ӧре кыткиськизы И.М. Байметов (валтӥсь редактор), Р. О. Хайдаров (валтӥсь редакторлэн воштӥсез), В.В. Андреева (валтӥсь бухгалтер), Н.В. Хайдарова (машинкаен бичась но корректор). Со ик журналлэн кузь но узыр сюресэзлэн кутсконэз луиз.

 

Выль вожвылъяськонъёс!

«Вордскем кыл» журналлэн редакциезлэн одӥгез ӟеч сямыз – визьнодасьёслы но дышетӥсьёслы пӧртэм ӧнерлыко вожвылъяськонъёс ортчытъян. Туэ редакция куинь улоскуспо конкурсъёс радъя:

– «Вордскем кыл» журнал мынам улонам но ужудысам»;

– «Быдӟым Вормонлы сӥзем уроклы удмурт кылын устоез уж»;

– «Удмурт кунлыклэн 100 ар тырмонэзлы сӥзем дышетон событилы устоез уж.

Вожвылъяськонъёс заочной амалэн радъясько. Матысь дыре сайтысьтымы положениез но шедьтыны луоз.

 

«Удмурт театрлы сӥзем образовательной событилы тужгес устоез методикая уж» конкурслы йылпумъянъёс

«Вордскем кыл» журнал кылем арын радъям вожвылъяськонъёсызлы йылпумъянъёс лэсьтэ.

Озьы Театрлэн арезлы сӥзьыса, лыдӟисьёсмы куспын «Удмурт театрлы сӥзем образовательной событилы тужгес устоез методикая уж» конкурс радъямын вал. Отчы элькунысьтымы но Татарстанысь удмурт кылъя но литературая дышетӥсьёс но покчи классъёсын ужась дышетӥсьёс пыриськизы.

Вань ужъёсты эскерыса, жюри таӵе йылпумъян лэсьтӥз:

1-тӥ инты сётӥське Н.В. Кабановалы, Дэри ёросысь Шор Постол шор ёзо школаысь удмурт кылъя но литературая дышетӥсьлы «Эктытӥсь кутъёс» нимо ужез понна.

Мукетъёслы сётӥсько сертификатъёс.

Ӟечкыласьком но выль азинсконъёс сӥзиськом!

Таяз номерын

— Вань-а удмурт кыллэз дышетонлэн ӵуказе нуналыз?
— Анай кылъя но литературая 9-тӥ классын дышетскисьёслы кун экзаменлы йылпумъянъёс но азьланезлы ужпумъёс.
— Удмурт кылъя но литературая учебникъёслэн электрон кабъёссылэн универсал дышетскон действиосты азинтонын кулэлыксы.
— Анай кылэз волятон но узырмытон — валтӥсь ужпум.

Та но мукет материалъёсты лыдӟе номерысь

Л.С. Христолюбовалы буре ваён пул усьтӥзы

Туннэ Дэри ёросысь Юськи шор ёзо школаын туж тунсыко ужрад ортчиз. Л.С. Христолюбовалы буре ваён пул усьтэмын вал. Сӥё-дано усьтонэ Людмила Христолюбовалэн пиез, «Удмурт Кенешлэн» тӧроез, Кун Кенешысь депутат Т.В. Ишматова, Дэри ёросысь Дышетонъя управленилэн кивалтӥсез Н.Г Красноперова, школаысь дышетскисьёс но дышетӥсьёс, гуртоос пыриськизы.
Трос аръёс ӵоже Л.С. Христолюбова «Вордскем кыл» журналэн матысь кусыпъёс возиӟ тодослыко ужъёсыз печатласькизы журналлэн бамъёсаз, со журналлэн редсоветэзлэн ёзчиез вал.
Со вордскиз 26-тӥ южтолэзе 1939-тӥ арын Ижевск ёросысь Кионгуртын (Волково) огшоры удмурт крестьян семьяын. Тодон-валан нырысь Каравай-Норья, собере Юськи школаын басьтӥз. Истори тодосъёсъя кандидат, этнограф но этносоциолог, Удмурт Элькунысь тодосъя дано ужась, Ашальчи Оки нимо йӧскалык премилэн, Гордумалэн но мэрилэн «Женщинам-учёным» премилэн лауреатъёсыз, кык сюлэсь трос тодос ужъёслэн авторзы.